Feedburner Feed URL Ko Blog Me Kaise Add Kare

Sabse pahle to aapke mind me sawal hoga ki feedburner hai kya. Iska function kya hai etc. To mai aapko bata du ki feedburner Google ki service hai. Yah sabse popular free email delivery service hai.

Aise visitor jo ki kisi ke blog ya site ko subscribe karte hai, unko yah service blog ki new post ki notification ki jankari free me us visitor ke email  par deti rahti hai. Is service ko start karne ke liye feedburner par account banakar feed URL ko blog me add karna padta hai.

Feedburner Ko Kyo Banaya Gaya ?

Jab koi visitor kisi ki site par visit karta hai aur unhe us site par likha hua content bahut hi pasand aata hai to we dubara us site par aana pasand karte hai taaki unhe achchha content padhne ko mile.

Isliye we us content (post) ka bookmark kar lete hai matlab us page ko save kar lete hai.

Read Also :

• 11 Attractive Fast Loading Email Subscription Widget को Blog में Add करे ?


• Contact Form Page को Blogger में कैसे बनाते है ?

Maan lijiye ki unhe isi tarah ka pasandita site bahut saare mil jaate hai aur we sabhi ka bookmark kar lete hai taaki agar phir se in sabhi site par new post ko publish kiya jaaye to we dubara visit karke padh sake.

Prantu visitor ke samne ek problem khari ho jaati hai ki unhe sabhi site par baar-baar visit karke check karna parta hai ki new post publish kiya gaya ki nahi.

Isi tarah ke saare bookmark kiye hue sites ko baar-baar check karna bahut mushkil hota hai visitor ke liye. Isi samasya ko dur karne ke liye hi feedburner ki sevice ko banaya gaya. Ab hum jaante hai ki kaise feedburner ne is problem ko dur kar diya.

Feedburner Ka Work Kya Hai ?

Yah service aapko do tarah ka feature provide karta hai :-

1. RSS feed


2. Email Subscription feed

RSS feed ke antargat My yahoo, Netvibes, Feedly, Sub ToMe, Bloglines, Bitty browser etc aate hai. Jis visitor ka account is par bana hua hoga wahi visitor is par subscribe kar sakte hai.

Isliye Emai subscription ka feature RSS feed ki tulna me sabse achchha hai kyoki email subscription feed ko subcribe karne ke liye Gmail Account ki jarurat parti hai aur aise kam hi log hoge jinke pass gmail account nahi hoga.

Feedburner par jab aap account bana lege to yah aapko RSS icon aur email subscription box ko apne blog par lagane ke liye ek code degi. Code ko apne blog par lagane ke baad, RSS icon ya email subscription box aapke blog par show hogi.

Jab koi visitor kisi ke site par lagaye gaye email subscriprition box me email daalkar subscribe karta hai to unhe unke email par ek message milta hai. Uske baad visitor ko sirf message me diye gaye activation link par click karna hai.

Uske baad jab bhi us site par new post ko publish kiya jaata hai to visitor ko iski jankari direct unke email account ke inbox me mil jaati hai. Inbox me jo notification aati hai usme post ki link hoti hai.

Link par click karke visitor blogger ke site par aate hai aur post ko padhte hai. Isse aapke site ki page view badhti hai aur saath me traffic bhi increase hoti hai.

Feedburner Par Account Kaise Banaye ?

Step 1 

Sabse pahle feedburner ki site par jaaye. Uske baad google account (gmail id) se login kijiye.

Step 2

Gmail ID dawara login karne ke baad ek page open hoga. Usme aapko apne blog ka URL daalna hai.

1. Isme apne blog ka URL likhe.


2. I am a prodcaster me tick kare.


3. Next ki button par click kare.

Step 3

Ab ek new page open hoga. Us page me aapke blog ka 2 ya 3 feed URL hoga jisme se first waala aapko choose karna hai.

1. First waala feed URL choose kare.


2. Next ki button par click kare.

Step 4

Next par click karne ke baad ek page open hoga usme aapko feed ka title aur feed address fillup karna hai. Agar aapne apne blog ya site ka title name kuchh rakha hoga to usi title name se feed ka title hoga.

1. Isme aap apne feed ka title likhe.


2. Feed address me apne blog ka URL ka naam likhe.


3. Next par click kare.

Step 5

Ab ek new page open hoga usme aapke feed ka URL hoga. Is URL ko aapko apne blog me add karna hai.

1. Apne feed ke URL ko copy kar le.


2. Next par click kare.

Step 6

Next button par click kare.

Step 7

1. Clickthroughs par tick kare.


2. I want more par tick kare.


3. Next button par click kare.

Isse aapko apne feed par kitne click ho rahe hai uski jaankari ko track kar sakte hai.

Step 8

Next page par successfully ka message aayega.

Ab aapke feedburner par feed completely ban chuka hai.

Ab aapko apne feedburner feed URL ko blog me add karna hai.

Feedburner Feed URL Ko Blog Me Kaise Add Kare ?

Ab aapko feed URL ko apne blog me add karna hai. Agar aap feed URL ko blog me add nahi karte hai to subscriber ko aapke post ki notification ki jaankari unke email par nahi milegi.

Feed URL ko blog me add karne ke liye mere steps ko follow kare :-

Step 1

Sabse pahle apne blogger account me login karke blog ke dashboard me jaaye.

Step 2

Blogger me login karne ke baad ek page open hoga.

1. Setting par click kare.


2. Uske baad other par click kare.

Step 3

Other par click karne ke baad ek page open hoga.

1. Site feed section me Post Feed Redirect URL ke samne box me apna feedburner feed URL ko paste kar de.


2. Upar right side me Save Setting button par click kare.

Ab feed URL aapke blog me add ho chuka hai. Uske baad aapko subscribe box ko apne blog me lagana hai fir feedburner par email subscription service ko activate karna hai.

Read Also :

• Email Subscribe Box को Blog में कैसे Add करे ?


• Follow By Email Gadget को Blog में कैसे Add करे ?

Ummid hai ki aapko yah post pasand aaya hoga. Feedburner par account banane aur feed URL ko blog me add karne me koi problem aati to mujhe comment box me apna comment likhkar bheje.

Agar yah post pasand aaya ho to ise facebook par share karna na bhule. Is blog ke notification ko direct apne email par pane ke liye mujhe Subscribe kare.

The post Feedburner Feed URL Ko Blog Me Kaise Add Kare appeared first on New Feature Blog.